مينى تارت الكيوى

مقادير التارت:
كوب دقيق رشة ملح صغيرة جدا و 50 جرام زبدة و 2 م كبيرة سكر و اقل من ربع كوب كاء متلج 

بودينج (كاسترد) فاكهة (كيوى خوخ اناناس فراولة ) اللى متوفر ...

جيلى نفس نوع الفاكهة او ما يقرب لها ..او جيلاتين بودر


هتحطى الزبدة فى التلاجة قبل الاستخدام لازم تكون جامدة..
هتحطى الدقيق و الملح فى طبق او على الرخامة و هتقطعى الزبدة بالسكينة قطع صغيرة و نفرك الزبدة بالدقيق حتى تختفى تماما ....هتذوبى السكر فى الماء و تعملى حفرة فى منتصف الدقيق و تبداى تلمى العجينة بايديك .....من غير ما تعجنيها كتيير يا دوبك تلمى العجينة......

المينى تارت انا برصه على طوول 
كوب الدقيق عمل 4 مينى تارت كبار 
قسمت العجينة الى اربع كور و بدات احط اول كورة فى قالب المينى تارت و فردتها بايديى و رفعتها على الجناب و سيبتهم فى التلاجة ترتاح و تمسك نفسها و ب شووكة خرمت العجينة و دخلتها فرن عالى الحرارة الى متوسطة لمدة تلت ساعة تقريبا ...

جهزت الكاسترد كالمعتاد و قطعت الكيوى و عملت الجيلى بنص مقدار الماء (علشان يكون تقيل و سيبته يبرد ) و اول ما العجينة هدتت حطيت الكاسترد و فوقييه الكيوى و ب م صبيت شوية جيلى اناناس فوق الوش

يدخل التلاجة حين التقديم و بالف هنا و شفا