الخميس، 16 مايو 2013

طريقة عمل الفراخ البانيه فى الفرن


السلام عليكم لهلوباتى.........

اكلة النهاردة كنت مترددة كتيير انى اعملها كنت خايفة تطلع طعمها مش حلو بس بعد ما جربتهاا و دوقتها بجد بجد بدوون مباااااالغة احلى بكتييييييييييييير من الطريقة التقليدية............

ندخل فى الموضوع بقى 

اصابع الفراخ المقرمشة فى الفرن...

ايون فى الفرن و لازم تجربوووها اولاا صحية عن اللى بتتقلى فى الزيت و تنفع للى بيحب يعمل دايت مدللع شوية و اكيد صحية للاطفال و غير كل دة قرمشتهاا الجبببببببببارة ..

تتبيلتى المرة دى عبارة عن..

ل نص كيلو فراخ مخلية مقطعة شرائح حجمها قيمة صوباعين

نص م ملح و اقل منها فلفل و ليمونة( او خل) او الاتنين معا..
م كبيرة مسطردة م كبيرة باربيكيو صوص 

بس كدة تبلت الفراخ و سيبتها فى التلاجة لغاية قبل الاكل بساعة 
طلعتها و على الدقيق و من الدقيق على البيضة اللى مع شوية لبن و ملح و فلفل

و بعد كدة البقسماط اللى مع الكورن فلكس و عليهم نص م بصل بدرة و رشة توم بدرة

و دهنت صانية زيت و رصيت الفراخ فيها و دخلتها الفرن سااااااااخن و بعد فترة عشر دقايق قلبت الفراخ النحية التانية و سيتها عشر دقايق كمان ........و بس طلعيها و قدميها مع صوص الكاتشب او مع المكرونة او حتى سندوتشات بجد بجد وهمية و انا ان شاء الرحمن هعملها كدة على طووول

هناك تعليق واحد:

  1. تعلمي طريقة جديده لتحضير الدجاج البانيه تعرفي علي طريقة عمل الدجاج البانيه بطريقة مختلفة .

    http://www.pntre.com/how-to-make-chicken-albanian/

    ردحذف