الخميس، 16 مايو، 2013

البسبوسة








المقادير:

2 كوب سميد (سامولينا ) دقيق البسبوسة
2 م سمن مليانييييييين
2 او 3 م سكر كباااااااااار
علبة زبادى 170 جرام (نادك او المراعى او اللى متوفر)
لو فى مصر و بتجيبى علبة الزبادى من اى سوبر ماركت يبقى هتحطى 2 علبة زبادى 

نص م صغيرة بيكنج بودر..ربع م ص بيكربونات الصودا

م عسل او م شربات 


الطريقة :

هتفركى السمنة فى السميد كويس تماما حتى يتشرب السميد السمن تماما ....
دة بيخلى البسبوسة طرية من النص 

و بعد كدة ضيفى باقى المكونات و بالم قلبيهم جيدا 

و فى صانية كبيرة ادهنيها بالطحينة..

الطحينة احلى كتير من السمن بس طبعا انت حرة ممكن تدهنيها سمن ............

رصى العجينة و غطيها و سيبيها ترتااح ............
خمس ل عشر دقايق

هنا هنبدا نعمل الشربات ..
كوب سكر مليان و كوب و نص ماء و اول ما يغلوا خمس دقايق هتعصرى عليهم نص ليمونة صغيرة
و سيبيها كمان ربع ساعة و بعد كدة طفى النار و حطى رشة فانيليا و قلبى تقليبة و كدة الشربات جاهز.........

طبعا بعد الخمس ل عشر دقايق هتحطى البسبوسة فى الفرن ساخن و على درجة حرارة عالية .
لو فرنك كهربا 
هتشغلى الفرن من تحت بس
تلت ساعة هتلاقى الجناب بدأت تاخد لون ذهبى


هتشغلى الفرن من فوق كمان (فوق و تحت )
ربع ساعة كمان

او اول ما وشها يحمر .........ز

هنضييف الشربات (درجة حرارته محتملة يعنى مش سااخن جدا و مش هادى ) يعنى تكونى قافلة علييه قبله ب خمس دقايق ل عشر دقايق حسب الجو)

و سيبيه فى الفرن 3 دقايق و بعد كدة اقفلى الفرن و سيبيها جوة تهدى شوية و بعد كدة غطيها و سيبيها حتى التقديم 


لو الفرن عادى يبقى هتشغلييه عادى اول ما تبدا تحمر من فوق و دة هياخد الوقت كله يعنى نص ساعة او ساعة الا ربع 
هتحطى الشربات و تقفلى الفرن و سيبيها خمس دقايق ل عشر و بعد كدة غطيها و سيبيها فى الفرن حين التقديم

ممكن فرنك يكون مش متناسق و فى الحالة دى بعد نص ساعة لو لقيتى الجناب احمرت بزيادة و لسة الوش متحمرش هتشغلى الشواية عشر دقايق و تطفى و تكملى عادى
















ليست هناك تعليقات:

إرسال تعليق