الأربعاء، 17 أبريل 2013

تارت الموز و الكرامل



الثلاثاء، 16 أبريل 2013

مكرونة باللبن

الاثنين، 15 أبريل 2013

فراخ كنتاكى

سلطة اللبن الرايب بالخضرة و الكمون


سمك بلطى مقلى




سمك بلطى مقلى بخلطة جنان ............

الخلطة دى لو جربتيها بإذن الله مش هتعملى غيرها :)

كمية سمك بلطى حجم كبير على حسب عدد افراد الاسرة ..
افتراضا 4 سمكات كبار.

نص م ثوم مفروم
م ص ملح
م ص كمون
نص م ص شطة
نص م ص بهار سمك
4 م كبار خل و ليمونة كبيرة الى متوسطة
دقيق للقلى

السمك طبعا بتنظفى بطنه كويس جدا و تتبلى السمكة من البطن و من برة كويس اوى
و تسيبى جزء من الخلطة داخل بطن السمكة حتى وقت القلى...
يترك السمك فى التلاجة لمدة ساعتين على الاقل ...
ثم تقلييه فى طااسة بكمية زيت متوسطة (كمية الزيت تكون مغطية على نص السمكة)

لكى تحصلى على جلد مقرمش ( انا عن نفسى بنضف قشره كويس اوى و بقرمشه علشان بحب اكله اوى :)  )

متقلبيش السمكة اكتر من مرة بمعنى انت حطيتيها على الجنب الاول و بعد خمس ل  سبع دقايق اقلبيها تستوى الجنب الاخر نفس المدة و بعد كدة شيليها تتصفى من الزيت و تكون مايلة و بطنها لتحت علشان الزيت ينزل كله منها 

انا احسن حاجة بصفى فيها السمك يا اما مصفااه كبيرة علشان تاخد السمكة برحتها يا اما 
و من غير تريقة كرتوونة البيض بستخدمها لوضع السمك بين الاجزاء المرتفعة و بكدة تنزل زيتها كله و السمكة متكنش ملامسة لحاجة  .و الحتة بتاعت البطن بقى مقرمشة و جمييلة ...

ملحوظة خديها و انت بتقلى اى حاااااجة ...متحطيش الحاجة فوق بعضها او ملامسة لبعضها ابدا ...علشان كدة بتضيعى قرمشة الحاجة و بتخليها شاربة زيت كتيير