الأحد، 27 يناير 2013

طريقة عمل الزبادى



المقادير:

ملعقة  اكل مليييانة زبادى  (لو عايزة تستخدمى العلبة كلها مش مشكلة)
كمية من اللبن الدافى لازم يكون دافى
من كوب لبن ل حد كيلو لبن (4 ل 5 كوبايات)


لو اللبن زى اللى فى مصر بيجى و يتغلى  و يكون قشطة 
لو  كيلواللبن لسة مغلى و بقى دافى حاولى ماتخديش الوش و تزودى ربع كوب ماء علشان مايطلعش الزبادى ثقيل قصدى دسم يعنى :)



.....كتير بيضايق انى مش كاتبة المقادير بالظبط....

الفكرة فى ان القليل يكفى ...يعنى لو عايزة تعملى زبادى و معندكيش غير كوب لبن ممكن ...لو جيتى تعملى زبادى و لقيتى اخر علبة زبادى لازم تستخدميها يبقى خدى منها م كبيرة لعمل الزباجى و استخدمى الباقى ....

لو المواضييع كلها بييس عندك يبقى هتستخدمى علبة زبادى و كيلو لبن 







كل اللى هنعمله هنضرب الزبادى مع نص كوب لبن ...اما بمضرب يدوى او خلاط او حتى ب  ملعقة :) كله ينفع
و يكون اللبن دافى كويس
و بندأ نضيف باقى اللبن و نصبه فى كوبايات او علب الزبادى 

عندك هنا طريقتين
اولهم  شغلى الفرن خمس دقايق و اقفلييه و حطى الصانية فى الفرن و سيبيهم خمس ساعات فى الصيف و الفترة بتطول فى الشتاء
ملحوطة فى الشتاء زودى كووب ماء سااخن و حطييه وسط كوبايات الزبادى و بعد اربع ساعات غيرى الماية بماء ساخن مرة اخرى

لو فرنك كهرباء يبقى ممكن بدل الكوب انك نفتحى الفرن لمدة ثوانى (ثوانى مش اكتر من كدة)....

يا اما تعملى زى لو عندك علبة فوووم اللى بتيجى فيها تورتة الايس كريم و هنا لازم نحط معاهم كوب ماء ساخن 

بس يا جميلة بعد الخمس ساعات هتحطيه فى التلاجة و بعد ساعة او اتنين هيكون جاهز للاكل














ليست هناك تعليقات:

إرسال تعليق