الأحد، 27 يناير 2013

طريقة عمل البشامل




المقادير
ملعقة سمن
معلقتين كبار دقيق
2 كوب لبن
2 كوب شربة
ذرة ملح و فلفل حسب الحاجة ( و خدى بالك ان الشربة فيها ملح)

الطريقة:

هتحطى السمنة على النار تسيح 
و تزودى عليها الدقيق مع التقليب حتى يغمق لونه يصبح  (بنى فاتح)
و بعد كدة تنزلى باللبن و الشربة مرة واحدة مع التقلييب المستمر...
و مع التقليب هتلاقييه بدا يتقل و بكدة يبقى عندنا اسهل و احلى و اطعم صوص بشامل
(ملحوظة صغنططة:...ممكن تحطي اللبن و الشربة فى حلة و تغليهم و تصبيهم على الدقيق ...بكدة وقت التقليب هيكون اقل ...و ممكن بردوا تضيفى المكونات و هى باردة (مش سخنة)و بكدة وقت التقليب هيبقى اطول ....)

انا ساعات بتكون الشربة لسة مش سايحة اوى ف بضييف اللبن الاول لوحدة و بعد ما يتجانس اللبن مع الدقيق اضيف الشربة و هى يادوبك سايحة و مع التقليب كله هيتجانس مع كله 

لو عايزة بشامل للرجيم ...ممكن من غير سمن تحطى اللبن و الشربة على النار و الدقيق ...مع التقليب المستمر حتى يتقل الصوص

ممكن بقى تعملى اى صوص بالطريقة دى للمكرونات او المشويات.و كمان تقدرى تغيرى فى طعمة

مثلا لو زودنا م توم بدرة و جنزبيل ...هيبقى صوص الجنزبيل و يمشى مع الاسماك
و كذلك لو حطينا م قرفة هيبقى صوص القرفة و هكذا ...

ملحوظة كمان عايزة طعم الصوص يبقى غنى ممكن بعد ما تطفى النار تزودى عليه م قشطة  بجد هيبقى واااااااااو 









هناك تعليق واحد:

  1. شركة نقل أثاث بالرياض...شركة خبراء المملكة
    عندما يفكر أحدنا في الانتقال للعيش في منزل جديد، يشعرفجأة وكأنه يحمل أثاثه ومقتنياته فوق ظهره، من فرط التفكير في كيفية نقل الأثاث إلى المكان الجديد والأضرار المحتملة والخوف على المقتنيات النفيسة والقطع الحساسة والأغراض القابلة للكسر، وما تحتاج إليه من تعبئة وتغليف ونقل، لكنها مشكلة أصبحت محلولة بوجود شركات متخصصة في نقل الأثاث سواء إلى منزل جديد أو للتخزين لحين الانتهاء من صيانة المنزل أو السفر وما إلى ذلك
    تركيب اثاث ايكيا بالرياض
    تركيب ستائر بالرياض
    تنظيف مكيفات بالرياض
    تركيب غرف نوم بالرياض
    تركيب باركية بالرياض

    ردحذف