الاثنين، 28 يناير، 2013

لازانيا بدون بشامل


المقادير:
علبة مكرونة لازانيا
لحمة مفرومة ( عساج) بالصلصة 
فلفل اخضر
جبنة تركي مبشورة 
موتزاريلا

الطريقة:

الخطوات بتبقى مكتوبة على علبة المكرونة و في نوعين ، نوع بيتسلق و نوع لأ 
بس بم إن الطريقة دي بدون بشامل فا لوالنوع بيتسلق يبقى اسلقييه و لو مش بيتسلق يبقى اغلي ماية سخنة و حطي المكرونة فيها

ادهني الصانية سمن و ابدأي في رص المكرونة 

قبل كل دة يا ريت تبقي محددة حجم الصانية و مقسمة المكرونة علشان متجيش عند اخر طبقة و الكرونة تخلص منك

نبدأ في وضع العساج و الفلفل الاخضر و رشة من الجبنة المبشورة و المتزاريلا
بالكمية المناسبة

و نبدأ نرص الطبقة التانية من اللازانيا و هكذا
غالبا لو الصانية كبيرة هتعمل 3 طبقات لازانيا بينهم طبقتين حشو

اخر طبقة بنرش فوقيها الجبنة المبشورة و المتزاريلا و تدخليها الفرن درجة الحرارة العادية و اول ما الوش يحمر طلعيها 
الاحسن لا تقدم و هى ساخنة جدا يستحسن الانتظار عشر دقائق او اكتر
 و بالهنا و الشفا


ليست هناك تعليقات:

إرسال تعليق