الثلاثاء، 8 يناير، 2013

سمك بصوص القرفة و الجنزبيل


نبدأ ب بسم الله





المقادير:
ـــــــــــــــ 
  • ك سمك فيليه
  • طمطماية
  • فلفل اخضر و فلفل الوان
  • بصلاية متوسطة
  • 2 ليمون بنعصر واحدة و بنقطع التانية شرائح بقشرها رفيع جدا
  •  م ملح م كمون رشة شطة صغننة و رشة بهار لو عندك و 2 م الخل
  • فص ثوم 

مقاديرالصوص:ـ
ـــــــــــــــــــ
  • كوب لبن
  • 2 م دقيق
  • م قرفة نص م جنزبيل
  • نص م ملح
  • فص ثوم نقطتين ليمون


الطريقة:
ـــــــــــــ
  • هنقطع السمك قطع بحجم مناسب
  • نحضر التتبيلة بتعته
  • نقطع الطماطم و الفلفل و البصل باحجام من كبيرة الى متوسطة
  • و نعصر الليمونة و نقطع التانية و رشة ملح رشة كمون رشة شطة صغننة و رشة بهار لو عندك و 2 م الخل
  • نقلب الحاجات دي كلها و نحط السمك فيها
  • و نحطه في التتبيلة لمدة ساعتين
  • وقت الشوى بيكون قبل وقت الاكل علشان السمك مش يتقدم بارد و
  • هنبدأ نشويه بالخلطة بتعته (الطماطم و الفلفل و الليمون و البصل)


نبدأ نعمل الصوص
في الخلاط هتحطي كوب و نص اللبن مع 2 م الدقيق
و تضربيهم و اول ما تخلصي تنقليه على طول في حلة على النار و تقلبى كويس لحد ما قوامه يتقل معاكى
ملحوظة لو ضربتيه في الخلاط و بعد كدة سبتيه الدقيق هيترسب من تحت و هيعمل قطع دقيق في الصوص
فا زى ما قلت تنقليه على طول في الحلة مع التقليب مباشرا و حطى بهاراتك و كدة الصوص يكون جاهز
  • و تحطي الصوص على السمك باي طريقة على ذوقك 
ممكن تعملى خطوط بالصوص على السمك او تحطى الصوص على طرف الطبق و جنبيه السمك ....زي ما تحبي                                                 

ليست هناك تعليقات:

إرسال تعليق