الأحد، 13 يناير، 2013

كل ما يحتاجه طفلك الرضيع من أدوات






الببرونة:

الببريونة من الادوات المهمة معاكى و خصوصا لو برة البيت 
بتعملى فيها ينسون و كراوية ...

الاحسن و الاضمن تكون زجاج  و تكون ماركة كويسة علشان ضمان التصنيع



الجزء دة للببرونة لييه مقاسات و احجام و بما انك غالبا بتستخدمييها فى اول شهور طفلك يبقى الاحسن تجيبيها لسن النيو بورن (علشان متشرقهوش ..بيكون الفاتحة صغيرة اوى )

قطن الاذن و الانف:

دة مخصوص للاطفال




دى بردوا للانف لو فيه مخاط و عايزة تشيليه و خصوصا ان الطفل مش بيعرف ينف 




المشط و الفرشاه:

لازم طبعا الفرشاه بتاعت الاطفال علشان بتبقى ناعمة على الراس و خفيفة علشان راس الطفل بتكون حساسة اوى الشهور الاولى حتى السنة





اللاهاية المصاصة (التيتينة)

لو من هواة المصاصة يبقى متحوليش تعودى ابنك او بنتك عليها يعنى استخدميها وقت اللزوم و فى اقصر وقت تحاولى تبطليها لطفلك ...يعنى بعد تلات شهور او اربعة يكون مبطلها علشان لو معرفتيش تبطليها لطفلك هيعتعود عليها و هيفضل حاطتها فى بقه لغاية بعد السنتين و بيبقى شكله مش حلو و هى فى بقه و هو فى السن دة .............

تجربتى الشخصية ..انا مجبتهاش اصلا و كنت لو جبتها كنت استسهلتها و استخدمتها مدحكش عليكم و كنت كل شوية اقول هجبها و ارجع فى كلامى و لو عدة بية الزمن تقريبا كنت هجبها هههههههههه........

بس لو ابنك مش غاويها اصلا يبقى جت من عند ربنا ههههههههههه 

المهم بقى من كل دة لو جبتيها علشان خطرى خدى بالك تتغسل كل شوية و الاحسن تكون بالشكل اللى فى الصورة دة ..علشان دى الاصح خصوصا للطفل فى اول شهوره






مقص للطفل او قصافة (خاصة بالاطفال)

اول شهر ل شهرين غالبا مش بنقص اظافر الطفل بتكون لسة ضعيفة 
 علشان تقصى اظافر الطفل لازم تمسحى المقص او القصافة بالسبرتو  و بعد ما تخلصى تنظفى اظافر طفلك بالسبرتو لضمان الطهارة و النظافة




شنطة الطفل:



كيس قطن طبى و سيبرتو:
طبعا دة مهم جدا يكون معاكى ...
اول اسبوعين علشان صرة الطفل و حتى بعد كدة لازم يكون معاكى ممكن تستخدمييه لاى سبب



مشمع التغيير:

ممكن يكون جاى مع شنطة الطفل و لو شنطة طفلك من غير المشمع يبقى هتشترى واحد ...بيكون كعاكى فى كل حتة داخل البيت و خارجه
بتحطيه تحت طفلك و انت بتغيريله او بتلبسيه بعد الاستحمام 







ليست هناك تعليقات:

إرسال تعليق