المقادير:
4 حمامات ...لنفرين مثلا
للحشو:
بصلة متوسطة
نص كوب ارز
زبيب و حوايج الحمام
بهارات:
ملح رشة نونو فلفل...روز مارى بهار قرفة م مليانة
جنزبيل ....اى بهارات انتى تفضليها
للسلق:
بصلتين صغيرين
ملح ماء للسلق
مستكة و حبهان
الطريقة:
هتفرمى بصلة متوسطة و تحمريها فى نقطتين زيت
و تضيفى باقى المقادير
الزبيب ثم الكبدة و الحوايج بتاعت الحمام بعد ما قطعتهم و تسيبيهم ينزلوا مايتهم ( على نار هادية علشان مش ينشف)
و هتضيفى الارز و بهاراتك و تقلبييه
وتضيفي ماية ربع كوب وتخليه نص سوة
و تسيبيه على نار هادية لمدة دقائق متغطى علييه
هتحشى الحمامة من عند الرجل و بين الجلد من عند الراس
و هتقفلييه كله بالاعواد علشان الارز مش يطلع منه
( متحشيش الارز كتيير علشان لسة هيستوى و هيضاعف حجمه
و تسلقيها زى اى فراخ
ماية مغلية و تحطى فيها الحمام و بصلتين و م ملح و مستكة و حبهان و تغطى عليها و تسيبيها تستوى
لما استوت وقت التقديم بتحمريها فى طاسة فيها م سمن
ليست هناك تعليقات:
إرسال تعليق