الاثنين، 7 يناير، 2013

فراخ بانيه مشوية



اغسلى و نظفى الفراخ جيدا ثم صفيهم من الماء

التتبيلة:
بصلة مقطعة صغير جدا و ملح و فلفل و بهارات و 4 ملاعق خل كبار

و قلبى الخلطة كويس اوى و ابدأى تبلى الفراخ

و سيبيهم فترة حلوة كدة 3 4 ساعات

و ابدأى بقى اشويها و يا سلام بقى لو على الفحم
و لو مش عندك شواية

هاتى طاسة و خصصيها للشوى و خلي النار هادية فى الاول و بعد كدة عللى و يا ريت اول ما تخلصى افتحى الماية الساقعة على الطاسة على طول



تعالى اقولك سرررررر :))

لو مش عندك شواية و عندك فحم

حطى الفراخ اللى اتشوت فى وعاء عميق و غطى عليه و هاتى فحمة و حطيها على عين البوتجاز لحد ما تحمرر
و بعد فترة افتحى على الفراخ و هاتيهم على جنب هتلاقى شوية ماية صغيرين نزلو من الفراخ حطى الفحمة علي الماية و غطى بسرعة و شوفى بقى الريحة اللى تجنن وقت التقديم

بالهنا و الشفا


ليست هناك تعليقات:

إرسال تعليق