الخميس، 23 مايو، 2013

الدرس التانى


هنكلم فى البوست دة عن حاجة مهمة جدا و هى المعدة بتعتنا


المعدة قبل الريجيم يا لهلوبات بتبقى طبعا مفتووحة على البحرى و متعودة على انها لاااااازم تتملى  و بتبقى خلاص اتعودت انها لها سعة معينة و لازم تتملى غير كدة هتحسى بالجوع ...

طيب نعمل ايييه ...احنا عايزين نصغر معدتنا .....

يعنى ايييييه نصغر معدتنا ..نخليها تتعود على كمية اقل كتير من اللى كانت متعودة عليها و بكدة هنصغر حجمها و الاكل اللى كنتى بتاكلييه قبل كدة هيبقى كتيير عليها و طبعا دة مش هيجيى من يوم و لييه
 بعد فترة من الريجيم لو كنتى بتشبعى برغيفين فى الفطار قبل الريجيم هتلاقيكى تلقائيا بتشبعى من نص ريغيف ليييييييه علشان معدتك السعة بتعتها قلت

حاجة كمان عايزة اتكلم عليها لكل جسم هرموناته الخاصة يعنى لو عشرة بيعملوا نفس الريجيم اكييد مش كلهم هيقلوا بنفس النسبة و كمان مش كلهم هيخسوا بنفس الوقت

و كمان حاجة اخيرة فى درسنا النهاردة ...مش معنى انك عملتى ريجيم من النهاردة انك بكرة هتخسى كيلو او حتى نص كيلو ...
لاااا يا لهلوبات جسمك هيفضل ثااابت فترة لغاية ما يحدث تغيير ملحووظ يعنى مش عايزة احباط  و ان شاء الله اول ما يبدا جسمك يحس بالريجيم هتلاقيكى بتخسى و بشكل ملحوظ ان شاء الله ...


ليست هناك تعليقات:

إرسال تعليق