الخميس، 28 مارس، 2013

طريقة عمل الفول المدمس







المقادير:

كيلو فول تدميس
مقدار كف الايد من العدس الاصفر...اختيارى
مقدار من الغلة (البليلة) ...نصف كوب او اكتر
ليمونة
ثمرة طماطم
قشر بصل احمر مغسول جيدا

الطريقة :
بعد ما نقيتى الفول و الغلة و العدس هاتى حلة كبيييرة و حطيهم فيها و اغسليهم كويس و بعكدة سبيهم فى ماء كتييير اوى لمدة 5 6 ساعات ...لو اقل من كدة مش مشكلة

و بعد كدة تشيلى الماية دى و تحطى ماية جديدة و بردو كمية كبيرة اوى
و حطي الحلة على النار و اول ما الماية تغلى وطى على النار و حطى بقى
قشر البصل 
الطماطم بعد تقطعها ..قطع كبيرة
و الليمونة بعد قعها نصفين و بس يا ستى غطى عليها و سبيها على النار 5 ساعات و كل شوية تروحى تشوفى لو الماية قلت او الفول نشف تحطى ماء سخن عليه

بس بقى و ممكن الكمية دى تشيلى منها فى اكياس فى الفريزر...قسميهم يعنى جزء فى الفريزر و جزء للاسبوع و هكذا تخلصى اللى فى التلاجة تدخلى للى فى الفريزر على طول

ليست هناك تعليقات:

إرسال تعليق