الخميس، 14 مارس، 2013

السابليه بانواعه التلاتة





المقادير:

5 اكواب دقيق منخولييييين (مقدار الخمس اكواب بعد النخل ...ممكن نوع الدقيق يحتاج اقل من خمس اكواب)
1.5 كوب سمن ماسكة
1 كوب سكر بدرة
2 بيضة
فانيليا
ربع ملعقة بيكنج بودر


سابليه القرفة:
نفس المقدار بس هتشيلى نصب كوب دقيق و تحطى بداله قرفة و 3 ملاعق كاكاو

الكاكاو علشان يغمق العجينة

سابليه الشيكولاتة:

نفس المقدار بس هتشيلى نصف كوب دقيق و تحطى بداله كاكاو


الطريقة:

تدربى السمنة لوحدها الاول

و بعد كدة تحطى السكر لغاية ما يبقى عامل زى القشطة

ثم البيض و الفانيليا
ثم يوضع عليه الدقيق المنخول
و البيكنج بودر و تدربيهم كويس 

طبعا هتلاقى العجينة مسكت و مش ينفع معاها مدرب البيض فا هتعملى العجينة بايدك كويس اوى اوى



نصيحة :
ضعى فقط اربع اكواب و اعجنى و شوفى العجينة اصبحت ازاى ..لو لسة محتاجة زودى نص كوب دقيق ...حتى تحصلى على العجينة زى الصورة


بصى لو هتعملى التلاتة فى يوم واحد اعملى اول حاجة السادة و انقليه فى وعاء اخر و غطى عليه و فى نقس الوعاء اللى عملتى فيه العجينة اعملى اللى بالشيكولاتة ثم انقليه لوعاء اخر و هكذا بعد كدة اللى بالقرفة

هتفردى العجينة و تشكليها زى ما انتى عايزة ...ممكن تلاقى العجينة نشفت منك و بتفرول ..
الحل تمسكى جزء جزء تعجنييه كويس فى ايديك لغاية ما يبقى طرى و تعرفى تفردييه

لو معندكيش ادوات تشكيل العجينة ممكن بكوباية صغيرة

الشيكولاتة مش بتتخرم علشان بيتحط عليها شيكولاتة


ملحوظة يا ريت تحطى لونين مختلفين فى الصانية علشان اللون الابيض بيبان لما يستوى على طول

ممكن اللون البنى مش تخدى بالك منه انه استوى

مش بتدهنى الصانية بحاجة

مش بيعد كتيير 10 دقايق بالكتير و لازم تبقى متبعاه على طول علشان فى ثوانى لونه بيتغير




بعد كدة تجيبى مربى مشمش فى سلطانية و تحطى عليه كمية صغيرة ماء سخن و تقلبيهم
و تبدأى ترصى السادة و تحطى عليهم نقطة مربى و تغطى عليه بالمخرم

هكذاااا

لو عايزة تعمليه بالسكر يبقى تجيبى طبق و ترصى عليه المخرم و ترشى عليه السكر و بعد كدة تغطى بيه اللى مش مخروم

اللى بالقرفة مش بنحط ولا سكر ولا شيكولاتة


اللى بالشيكولاتة

بتجيبى شيكولاتة خام تسيحيها فى حمام ماية سخنة مع ملعقة زبدة و تدهنى بيه وش السابليه
وممكن تزينيه بالشيكولاتة البيضاء

و تسيبي الشيكولاتة تجمد كويس










 وده ربع الملعقة بيكنج بودر




و دى شكل العجينة السادة



 و دى اللى بالشيكولاتة

و دى اللى بالقرفة




و هنا بقى بنعمل الاخرام الاول ثم نشكلها

انا بعمل الاخرام بقمع صغير



ليييه بقى عملت الخرام و بعد كدة شكلت العجينة

علشان لو حصل العكس حجم الدائرة هتكبر و مش هتبقى بحجم اللى مش مخرومة




دى القرفة

بتعملى منها مخرم و سادة











و دة بعد ما طلع من الفرن




بعد كدة تجمعيهم كلهم
اللى بالشيكولاتة مع بعض و السادة مع بعد

اسهللك كمان المخرمين فوق بعد و اللى مش مخرمين فوق بعد








 الشيكولاتة كمان كدة


ليست هناك تعليقات:

إرسال تعليق