الأربعاء، 6 فبراير، 2013

المفتقة (الحلبة)




 المقادير:

كيلو و ربع عسل اسود
تمن ك حلبة مطحونة ناعم (حلبة سادة مش محوجة)
2 م ك سمسم 
م طعام مليانة دقيق
م طعام مليانة مغات
تلات ليمونات
ربع ك سودانى بدون ملح مقشر




الطريقة :

هتحطى ربع مقدار الزيت فى الحلة على النار و معاه السمسم و تقلبيه حتى يحمر
 و بعد كدة تحطى المغات و النار تكون هادية و تقلبييه شوية
 و قبل مل يتحمر بشوية هتحوطى الدقيق طبعا كل دة بتقلبى باستمرار
 و اول ما كل دة يتحمر هتحطى مرة واحدة العسل و الحلبة (كلهم مرة واحدة ) مع التقلييب السريييييييع لغاية ما كل حاجة تتجانس مع بعض.....
و هتعللى النار و اول ما يغلى هتوطى علييه و كل شوبة تقلبى لمدة 7 دقايق......
بعد كدة هتعصرى التلات ليموناات و تحطيهم على المقدار و تقلبى
 غلوة واحدة و تطفى النار و تسبيييه يبرد خاااااااااااااااااالص يعنى ممكن تعملييه بالليل و تسيبيه لغاية الصبح
باقى الزيت هتحمرى فييه السودانى و اول ما يحمر هتحطيييه على الحلبة مع التقلييب لغاية ما الزيت يبدأ يختفى ( ملحوظة متخليش الزيت يختفى كله لازم يبقى فييه حبة فوق الوش )

(شوية الزيت دول اللى فوق الوش بيخليه ميلزقش فى المعلقة و يتقل زيادة عن الزوم) 

بس ياستى بتعبيه فى برطمنات و متقفلييش علييه غير لما يبرد تماما و بالف هنا و شفا

ليست هناك تعليقات:

إرسال تعليق