الأربعاء، 13 فبراير، 2013

المنين (القراقيش)

القراقيش او ممكن يتقال عليها منين او بسكوت بالشمر و الينسون


المقادير:

هنا لازم نتعامل بالجرامات و الكيلو علشان بالكوب هتفرق

2.5 كيلو دقيق
كيلو سمن
2 حيفان سمسم
معناها 2 ملعقة غرف سمسم
1 حيفان شمر
1 حيفان يانسون
رشة ملح
قطعة خميرة كبيرة
2.5 كوب ماء
(لوعايزة تعملى ك دقيق فقط يبقى كوب ماء و 2 كوب سمن بدرجة حرارة الغرفة)

ملحوظة:
كيلو السمن بيتحسب و السمن جامدة و بعد كدة تسيحيها
حاولى اول صانية رصتيها هى اول صانية تدخل الفرن و هاكذا

الطــريقة:

تنخلى الدقيق و تضعيه فى وعاء كبيير
و تضعى عليه اليانسون و الشمر....يكونوا مطحونين بس طحنة خفيفة مش بدرة يعنى
و تقلبيهم كويس و طبعا معاهم رشة الملح
تعملى حفرة فى الدقيق و تحطى فيها السمسم
و تحطى السمن على النار حتى يسخن تماما 
و مرة واحدة تحطى السمن و هو سخن على السمسم

سيبيهم ثوانى لحد ما الفوران دة يقل (احنا كدة بنحمر السمسم)
و طبعا هيبقى سخن فا ابدأى قلبى بملعقة كبيرة
تكونى محضرة الخميرة فى سلطانية فيها نصف كوب ماء و ملعقة سكر
و سيبيها تخمر
ابدأى حطى الخميرة

مع التقليب الجيد جدا لازم تقلبى كويس و تجيبى اللى تحت فوق و اللى فوق تحت
وضعى باقى كمية الماية يعنى 2 كوب ماءء تحطيهم على العجينة و ابدأى اعجنى بأيديك كويس اوى اوى
يا ريت تغطى على العجينة و انتى بتشتغلى علشان مش تنشف مننك


تبدأى تخدى جزء جزء من العجينة و تلفيه الاول رول و بعد كدة تتغطى عليه علشان يتفرد 
و ابدأى قطعيه بالسكين
و رصيهم فى الصوانى

و سيبيهم يرتاحوا (يخمروا) شوية و ابدأى حطيهم فى الفرن
و اول ما يبدأوا يحمروا طلعيهم

ممكن تاكليها مع كوب الشاى او الشاى و اللبن
او انا بحبها اوى اكلها مع الزتون و الجبنة التركى او البيضة تحففهههه
:)))

بالهنا و الشفا














ليست هناك تعليقات:

إرسال تعليق