الأربعاء، 9 يناير، 2013

ماسكات للبشرة

السلام عليكم يا لهلوبات 
هنا هقوللكم على عدة ماسكات سهلة و بمكونات متوفرة عندك فى البيت
.....
بصفة عامة فى ماسكات تعمل على بياض البشرة زى
  النشا......الارز المطحون......الترمس المطحون ..... الخميرة الطازة

و فى ماسكات الغرض منها نضارة البشرة و نقائها زى
 الزبادى ....العسل ....... السكر كا سكرب للبشرة.......الليمون

و طبعا منساش اهم حاجة  الليمون او ماء الورد علشان غلق المسام بعد اى ماسك او حتى بعد غسل الوجه صباحا

أهم الماسكات :

ماسك النشا و اللبن البدرة

نص كوب نشا و 2 م لبن بدرة و شوية ماية دافية

بس كدة هتحطييه على وشك و سيبيه ينشف و بعد كدة قشرييه بحركات دائرية و اشطفى وشك بالماء الفاتر و هتلحظى نضارة واضحة على وشك

الماسك دة ممكن تعملييه كل اسبوع مرة و ينفع اوى مع اللى بتنزل الشغل او الدراسة او حتى بعد المصيف

ماسك الرز المطحون

نص كوب ارز مع 2 م لبن بدرة و شوية ماية دافية 
 نفس ماسك النشا بس بيعمل عمل السكرب و لتنعيم البشرة و بياضها


ماسك الزبادى و العسل

3 م زبادى و م عسل و نص ليمونة اخلطيهم و حطيهم على وشك و سيبيه ينشف و قشرييه دة هيعمل على نعومة البشرة و نضارتها 

و زى ما قلتلكم يا لهلوبات متنسوش الليمون او الماء ورد 
الماء ورد استخدميه كل يوم الصبح بعد غسيل الوجه



ليست هناك تعليقات:

إرسال تعليق