الأربعاء، 30 يناير، 2013

مكرونة بصوص الشيدر


المقادير :

نص كيلو لحمة مفرومة
بهار التاكو و هو عبارة عن 
((((ملعقة من كل من 
فلفل احمر حار...بابريكا....كمون.....زعتر 
و نص م من كل من
توم بدرة و بصل بدرة و ملح و فلفل)))))
كوب طماطم مقطعة مكعبات صغيرة جدا
2 كوب شربة لحمة (او ماء)
كيس مكرونة

هتشوحى اللحمة لغاية ما ماية اللحمة تنشف و تضيفى البهار
نص كمية البهار
و معاهم الصلصة
و الشربة او الماية (لو ماية زودى ربع م حبهان و ملح و فلفل )
و المكرونة
هتوطى النار و تغطى على الحلة و تسيبى المكرونة تستوى لمدة 10 12 دقيقة

لعمل التشيز صوص عايزين:

2 م زبدة و 2 م دقيق
تلات ارباع كوب لبن
كوب جبن شيدر مبشور
ملح و فلفل حسب الزوق

هتحطى الزبدة على النار و اول ما تبدأ تغلى هتضيفى الدقيق
و تقلبى لغاية ما الدقيق يغمق شوية معاكى
هتضيفى اللبن مع التقليب علشان مش يكلكع منك
طفى النار و حطى الشيدر و قلبى لغاية مل تسييح
و ظبطى ملحك و فلفلك و كدة الصوص جاهز
و بعد ما المكرونة شربت الماية هنضيف الصوص و تقدم













ليست هناك تعليقات:

إرسال تعليق