الاثنين، 7 يناير 2013

عند شراء لبس الطفل لاول مرة




طبعا هو الاحسن فى جميع الاحوال ان لبس الطفل يجيى بعد ما الطفل يوصل الدنيا بالسلامة ..علشان منقعش فى حتة الطقم مش مقاسه طلع قصير طلع ضيق ....

بس الكلام دة مينفعش طبعا يبقى علشان نسلم من كل دة ...تشترى الاطقم اللى تكفيكى مدة شهر ل شهرين ............الفترة دى انتى مش هتعرفى تخرجى و تروحى براحتك من تعبك و الخوف على طفلك من النزوول ....اين كانت الاسباب

و فى حالة عدم معرفة نوع الجنين فا الاحسن نشترى الاوان المحايدة ..
(اصفر احمر اخضر )
و الرسومات المحايدة 

 وكمان ناخد بالنا نجيب اكتر من مقاس ...

مقاسات الاطفال بتكون ل كل تلات شهور
من 0 ل 3
من 3 ل 6 
من6 ل 9

او بالوزن هتلاقى مكتوب عليها من كذا ل كذا كيلوجرام



طيب نشترى اييه بقى ...

الشهور الاولى للطفل حتى السنة بتكون مقدمة راس الطفل ضعيفة  و لو هتخدى بالك ان كل لبس الاطفال فى الفترة دة بيكون بزراير من الجنب او سوستة او رقبة واسعة ..


يبقى خدى بالك الحاجة اللى هتجبيبها تكون براس واسعة مش ضيقة


الملابس الداخلية:

الاحسن اول شهور الطفل يلبس سالوبت كامل ...ليييه

علشان دة يضمن ان بطنه متغطيه كويس مش من كتر الشيل و الحركة ممكن هدومه تطلع و بطنه تتعرى .......... 
و طبعا يبقى راسها واسعة او بكباسين او زراير من الجنب ..
فيه حاجة اسمها شاية كنا بنلبسها زمان يبيقى معمول منها سالوبت دى غالبا  بتبقى احسن و اضمن للطفل اول تلات اسابيع علشان دى بتتلبس زى الروب و دة يحمى زراعه و انت بتلبسييه


دى كدة صورة الشاية


طبعا بتجيبى حسب الجو فييه بنص كم و ب كم و كت 

الهدوم الخارجية:

اول تلات شهور غالبا صيف او شتاء البابى بينزل الشارع و هو ملفوف بالغطاء بتاعة ..فا مفيش داعى تصرفوا على ملابس اول تلات شهور كتير و انتظرى وجود اوكازيونات لملابس الاطفال و غالبا بتكون سالوبت بردوا ..

بعد التلات شهور تقدرى بقى تطقمى بنطلون على تى شيرت او شورت و تىشرت حسب الجو







ليست هناك تعليقات:

إرسال تعليق