الاثنين، 28 أبريل 2014

كوكيز بالطحينة


كوكيز بالطحينة انا عارفة انها غريبة شوية بس النتيجة حلوة اوى انا اخدت الوصفة من فيديو موجود فى موقع مارثا ستيوارت  و طبقتها و بصراحة عجبتنى
دة كدة لينك الفيديو:
http://www.marthastewart.com/1007011/kitchen-wisdom?xsc=soc_fb2014414DessertdesA&#1064185

المقادير:

 بار من الزبدة 100جرام
كوب سكر بنى
كوب طحينة
كوب و نص دقيق
ربع م صغيرة ملح
و م صغيرة بيكنج صودا
بيضة و فانيليا







:الطريقة

هتضربى السكر مع الزبدة كويس جدا 
ثم الطحينة ( الطحينة حاولى متخديش الزيت اللى فوق الوش) و بعد كدة 
لما يتجانسوا هتحطى البيضة و الفانيليا

و تكونى طبعا ناخلة الدقيق و معاه الملح و البيكنج صودا و تحطيهم على الخليط 
و كدة تمام 
غطيها وحطيها فى التلاجة لمدة ساعة
 بعد كدة ب م الايس كريم تطلعى بولة و تكوريها بايديك و لو حسيتى ان العجينة ناشفة بللى ايدك خفييف اوى بالماية و كورى العجينة هتلاقيها طريت 
و حطيها على صانية متبطنة بورق الزبدة
و لو عايزاه بالسمسم
استخدمى سمسم مش محمص ابيض عادى و حطى الكورة فيها هيمسك السمسم فيها على طول
و هاتى شوكة اغمسيها بالدقيق و انطريها من الدقيق الزيادة و اضغطى على الكورة علشان يعمل الشكل اللى فى الصورة
تدخل الفرن على درجة حرارة 180
و لمدة عشر ل10 ل  12 دقيقة فقط 
و تستنى لما تبرد و تطلعيها من الصانية و بالف هنا












هناك 3 تعليقات:

  1. مشكورة على الوصفة سلمت يداكي الله سبحانه و تعالى يعطيك االصحة

    ردحذف
  2. إذا كنت تتقدم بطلب للحصول على وظائف متعددة، فنحن نشجعك على توفير سيرة ذاتية مختلفة من خلال موقعنا. إنشاء السير الذاتية المتعددة مصممة لمختلف العناوين الوظيفية التي تريد أن يتم التعاقد معها، واتخاذ هذا الوقت الاضافي لبناء السير الذاتية المحددة التي سوف تكون البوابة السحرية للحصول على الوظيفة التى حلمت بها دوما فان موقعنا يساعد على عمل cv انجليزي جاهز

    ردحذف