الثلاثاء، 26 مارس، 2013

تورتة بعجينة السكر

مقادير الكيك:

3 بيض و فانيليا..
نص كوب سكر ..
كوب دقيق منخول ..م ص مليانة بيكنج بودر...


مقادير عجينة المارشيمللو:
كيس مارشيمللو 150 جرام.. 2 م ماء كبيرة...زبدة نباتى..3 ل اربع كوب سكر بدرة جاهز و منخووول..الوان طعام



الطريقة:


هتضربى البيض و الفانيليا وقت طويي جدا حتى يتضاعف حجم البيض و من ثم تضبفى السكر و بردوا تضربى فترة طوييلة اوى .....حتى يصبح الضعف


و تكونى ناخلى الدقيق و ال بيكنج بودر و تضيفيهم مرة واحدة بالتقلييب الخفيف و مش كتيير يا دوبك تقليبة و التانية و اول ما يتجاسوا توقفى تقليب ...

هتدهنى الصانية سمن و تحطى الخليط و يكون الفرن شغال مسبقا و على درجة عالية ...تدخلى الخليط مباشرا و تقفلى البااب برااحة جدا ...و اول ربع ساعة الحرارة بتبقى عالية و بعد كدة توطى درجة الحرارة
و دى بعد ما تطلع بتاخد تقريبا نص ل ساعى الا ربع فى اافرن او حسب فرنك بتقلبيها على شبكة و تسيبيها تبرد تمااما
بعد ما تبرد بتقسميها زى ما تحبى على اتنين او تلاتة

و بالترتيب كدة تسقيها ماية كومبوت و بعد كدة تضيفى الكريم شانتيه و بعد كدة تقعى فاكهة الكومبوت و هكذا ...

الكومبوت ,....انا طبعا بعمله فى البيت ...تفحتين او خوختين او حتة الاتنين ...تقشريهم و تقطعيهم و تغطيهم بالماء الساخن مع م سكر ..... (ملحوظة ممكن تزودى السكر بس احنا هنا الطبقة الخارجية مسكرة اوى علشان كدة بنحاول نقلل السكر فى باقى المكونات)
و سيبى الكومبوت يستوى و تستخدمييه بارد و ليس دافى ...ب ملعقة تبدأى توزعى الماء (القطر ) ثم طبقة كريم شانتييه ثم فاكهة الكومبوت

بعد ما خلصتى الطبقات حطيها فى التلاجة ترتاح ربع ل نص ساعة

طبعا هنا انت ليكى الاختيار تحشيها او تغلفيها بكريم شانتيه سادة او بالشيكولاتة ... و تدخل التلاحة تلت ساعة كمان او اول ما الطبقة الخارجية تبدا تمسك نفسها ...و خدى بالك الطبقة دى اديلها حقها شوية فى الكريم شانتييه علشان دى اللى بتمسك الكيك كويس


مراحل عمل عجينة الفوندام بالمارشميللو :
..

قبل ما ابدأ فى الشرح ..انا مستخدمة كمية صغيرة جدا من المارشيللو علشان كنت اول مرة اجربها و كمان الكيك كانت صغيرة زى ما انتم شفتم ....
تانى حاجة كمية السكر دى مش بالمسترة ..انتى بتزودى السكر لغاية ما العجينة تتلم منك و متمسكش فى ايديك 

تالت حاجة ...العجينة دى لازم متتعرضش للهواء خالص علشان بتبدأ تمسك نفسها ...لازم اول ما تعملى العجينى تشيليها فى كيس و تحكة الغلق عليها و يكون الكيس مدهون بسمن نباتى ...
و عند الاستخدام ممكن تفرديها باستخدام النشا او السمن النباتى (يسمة شورتنيج)

اخر ملحوظة ..العجينة اللى هتشتغلى بيها لازم تتعجن بايدك كويس جدا جدا جداااااا لغاية ما تبقى ناعمة الملمس تمااما و مفهاش اى تشققات....

و كمان لو حسيتى ان السكر زاد منك بتزودى م ماء صغيرة جدا جدا و تعجنى كويس لغاية ما تظبط معاكى ...
و العكس ..لو مثلا هتستخدمى الاوان السائلة ..اكيد هتبقى محتاجة سكر علشان تعوضى كمية السائل اللى حتطيها

فى حالتى انا جبت كيس مارشمييلو شغير 150 جرام فقط و كان فيه الللونين الابيض و البمبى ...و استخدمت الون الاحمر فيما بعد علشان اشتغل بالتلات الوان (ابيض و بمبى و احمر)

الطريقة
فى وعاء مدهون بسمن نباتى ..ضعى المارشميللو مع م ماء كبيرة تحت حمام مائى مع التقلييب المستمر ..ادهنى الملعقة المستخدمة بالسمن ايضا

هتى يسيح المرشميللو تماما .... و على الرخامة ضعى نص كوب من السكر المنخول الناعم الجااااهز و نزلى العجينة علييه و ابدأى اعجنى بالسكر و ابدأى زودى حتى تتكون عندك عجينة ملساااااء تمممماما و مشبتلذق فى الايد

بس كدة و ابداى ابدعى انت برحتك


افردى العجينة سمكها ولا رفيع اوى ولا سمييك و طبعا على قد تورتتك بزيادة علشان تعرفى تحطيها


انتى بتفرديها بالنشابة عادى و من جوة لبرة يا بنات اى حاجة عايزة تفرديها صح يبقى من النص للاطراف ..و اول ما تفرديها على الكيك اضغطى عليها كويس اوى من فووق ومن الجناب و ابداى اقعطى الزوائد

هتبداى تجيبى فرشاه رسم عادية (جديدة طبعا و نضيفة ) لو مش موجودة بايديك عاادى خاالص ...و كوب ماء ...و القطعة اللى هتلزقيها هتزقيها بنقطة ماء

و تسيبيها فى التلاجة ترتاح ...حتى وقت التقديم و بالف هنا عليكم يا رب















 طبعا هنا الدنيا تضرب تقلب على الرخامة ..ملحقتش انضف قبل ما اخد الصورة دى





ليست هناك تعليقات:

إرسال تعليق