السبت، 9 مارس، 2013

مربى التين





المقادير
كيلو تين متنظف و متصفي كويس

يعنى بعد ما نظفتيه كويس صفييه يبقى كيلو 

كيلو سكر
3 ليمونات

الطريقة

تيجيبى الحلة اللى هتعملى فيها المربى و تحطى فيها التين و عليه كيلو السكر
و تترك فترة مثلا 4 ساعات هتلاقى السكر داب لوحدة و اصبح التين منقوع فى صوص السكر

4 ساعات ممكن تبقى اقل او اكتر حسب الجو يعنى فى الصيف ممكن تلاقيها سعتين
بس و السكر داب
هتحطيهم بقى على النار و تعللى النار لحد ما يغلى و اول مايغلى توطى عليه و اوعى تغطى عليه

و تسيبيها نصف ساعة لحد ما توصلى للصوص المطلوب وبعد كدة تعصرى عليها التلات ليمونات و تعلى عليها و اول ما تغلى تانى تطفى عليها

ملحوظة:الليمون يكون متصفى علشان مايبقاش فيه بذر ليمون


الطريقة دى لو عايزة التيناية صحيحة زى ما هى

لو عايزة بقى التين مش صحيحة بعد ما عملتى المربى
بتجيبى مضرب البيض و تضربى بيه المربى



ملاحظة مهمة جدا ....و انتى بتحطيالمربى فى البرطمانات لازم البرطمانات تبقى ناشفة جدا خالص و مفهاش نقطة ماية واحدة...و سيبيها مش تغطيها غير لماا تبرد خاااالص خالص و بردو اتأكدى ان الغطاء ناشف



دى طريقة امى و بصراحة سهلة جدا و بتطلع تحفة بجد
..
الطريقة دى هى هى للفراولة و الخوخ و المشمش

ليست هناك تعليقات:

إرسال تعليق