الأحد، 10 مارس، 2013

تخزين الملوخية



الملوخية بتتخزن كأنك هتعمليها بالظبط بس فى اختلاف بسيط ....

بصى يا ستى اللى بيحصل انك بتقطفى الورق و خدى بالك لو اخدتى عيدان الملوخية هيبقى الملوخية هتبقى لزجة اوى وقت الاكل ...لو ماخدتيهاش هتبقى مفصولة عن بعضها وقت الاكل ........انا لا افضل الحالتين ...فا باخد جزء صغير من العيدان بتاعت الملوخية اللى بتبقى ماسكة فى الورقة ذات نفسها....


بعد كدة تملى الحوض ماية( فى ناس مش بتحب تستخدم الحوض فا هاتى بولة كبيرة (اى حاجة بتنقعى فيها الاكل) بس تكو كبيرة و تغسلى الملوخية كويس جداا جداا
و تصفيها من الماية هتلاقى كل الماية تراب ..
كررى نفس العملية لغاية الماية اللى بتنزل من الملوخية تبقى نضيفة 

هتسيبيى الملوخية تنشف كويس (فييه دلوقتى علبة بتنشفلك الملوخيى فى ثوانى.....ههههههه الحاجة ام الاختراع)

و تفرميها ناعمة اوى ..يا اما بقطاعة الملوخية او لو متعودة تستخدى الكبة

الخطوات دى كلها خطوات عمل الملوخية ...


نيجى بقى لتخزنها ....

هتزودى على الملوخية ماء (انا بفضل شربة) بحيث تعملك الملوخية شبه المعجون كدة ولا هى سايبة اوى ولا هى ناشفة ....
(مش تزودى الماية علشان متكونش تلج على الملوخية )

بس يا قمراية تشيليها فى اكياس و تبتتطيها (تتغطى عليها و تساويها ) و تشيليها فى الفريزر ...

وقت الطبيخ بتطلع و هى متلجة تتحط على الشربة اللى بتغلى ...بس كدة و نعمللها التقلية و بالهنا يا رب 


ليست هناك تعليقات:

إرسال تعليق