المقادير:
1 كيلو لحم بفتيك مقطع شرائح عريضة ورفيعة
2 بصلة مبشورة
ملح وفلفل
بسطرمة او لانشون او سلامي زي ما تحبي انا حطيت رومي مدخن
جبنة شيدر
خلة اسنان
بقسماط ودقيق
بيضة مخفوقة عليها شوية لبن
زيت للقلي
الطريقة:
اهم حاجة في الموضوع ان اللحمة تكون متقطعة شرائح عريضة ورفيعة جدا عشان حتلفيها وتقليها لو سميكة هتشد وانتي بتكليها ..
تبلي اللحمة بالملح والفلفل والبصل 3 او 4 ساعات او ممكن من بليل وبعدين صفي اللحمة من البصل اللي فيها وابدأي في الحشو
تحطي الاول الجبنة الشيدر وبعدين الرومي المدخن وبعدين طبقة تانية من الشيدر وممكن تحطي زيتون وفلفل اخضر لو حبيتي
وبعدين تقفلي شريحة اللحمة زي الظرف وتحطيلها خلة اسنان من كل طرف
.. في ناس مش بتحطلها خلة اسنان بس انا بخاف عشان متفتحش مني في الزيت وبعدين احطها في الدقيق وبعدين البيض واللبن وبعدين البقسماط واقليها في زيت ساخن وبعدين اطلعها علي مناديل ورقية واشيل خلة الاسنان قبل التقديم .. لذيذة جدا في العزومات وطعمها تحفة ..
انا بعمل كمية وبحطها في الفريزر وبطلعها لما احب علي القلي علي طول..
وبألف هنا وشفا
ليست هناك تعليقات:
إرسال تعليق