الأحد، 24 فبراير، 2013

الفطيرة الايطالية





المقادير:
3 كوب دقيق
1/4 كوب زيت
1/2 معلقة بكينج بودر
1ونص معلقة كبيرة خميرة فورية
1/2 علبة زبادي
1 معلقة سكر
1/2 معلقة ملح
كوب الا شوية صغيرين ماء و لبن للعجن

مقادير الحشوة:
طبعا دي اختيارية زي ما انتي عايزة انا حطيت بسطرمة - زيتون - جبنة تركي مبشورة - جبنة شيدر - جبنة موتزاريللا - طماطم مكعبات وشيلي قلبها علشان مينزلش ماية علي العجين - وشرائح رفيعة فلفل اخضر

الطريقة:
بنحط الدقيق وننخله والبكينج بودر والخميرة والملح والسكر وبعدين نحط عليهم الزبادي والزيت ونفركهم كويس وبعدين نحط الماء واللبن شوية شوية لغاية العجينة متتلم معاكي .. حتلقيها ملصقة في ايديكي بسيط تحطي رشة دقيق ومتكتريش عشان متنشفش منك ..
وتفضلي تعجني لحد متحسي انها بقت طرية في ايديك سبيها تخمر ساعة او ساعة ونص في مكان دافئ .. انا ولعت الفرن ثواني وطفيته علي طول وغطيتها بفوطة وسبتها جواه خلال نص ساعة هتلاقيها خمرت وعليت معاكي تقسميها كورتين هي هتعمل 2 فطيرة كبيرة
وبعدين تحطي دقيق من تحت العجينة وفوقها وتفرديها بالنشابة علي شكل مستطيل وتحطي الحشو وتقفليها علي شكل ساندويتش وتضغطي علي الطرف علشان ميفتحش منك وتدوسي عليها بالشوكة
وتدهنيها بصفار بيضة وممكن تحطي عليها من فوق سمسم او حبة البركة او سماق وطبعا الفرن يبقي والع من البداية وتدخليها علي حرارة من 180 ل 200 لغاية متحمر بتاخد حوالي من 20 ل 25 دقيقة .. والف هنا وشفا




ليست هناك تعليقات:

إرسال تعليق