السبت، 12 يناير، 2013

تارت الكيوى

المقادير:

  • 4 ل 5 حبات كيوى
  • باكو جيلى او جيلاتين ( انا استخدمت جيلى اناناس)
  • كريم شانتييه ( كوب)
  • كسترد(بودينج) 2 كوب
  • 100 جرام زبدة (نص كوب)
  • 1.5 كوب دقيق
  • نص كوب سكر ناعم
  • 2 صفار بيضة و فانيليا

الطريقة:
  • بتحطي الزبدة اللينة و تضربيها كويس وبعد كدة السكر البدرة
  • بعد ما ضربنا الزبدة و السكر كويس هتحطي صفار البيضتين و رشة الفانيليا
  • الدقيق حنحطه على مراحل و اول ما تبدأ العجينة تتماسك تلمي العجينة بايديك كويس و تتأكدى ان الدقيق اتجانس مع العجينة
  • بتفردي العجينة بايديك في صانية التارت و تدخليها التلاجة ترتاح نص ساعة و خرميها بالشوكة و اهم حتة الجوانب
  • هتدخليها الفرن لمدة تلت ساعة تقريبا او اول ما الاطراف تبدأ تتحمر
  • و اول ما تبرد تجيبي الكريم باتسيير و تحطيه عليه و تساويه كويس و تبدأي ترصي الكيوي
  • هتكونى محضرة الجيلى (المركز)بنص مقداره طبعا مايكونش سخن
  • و توزعيه كويس على الكيوى و دخللى التارت التلاجة من اربع لخمس ساعات قبل التقديم


 الكريم باتسيير ممكن تعمليه باضافة البودنج للكريم شانتيه و الاتنين يكونوا من التلاجة فا هتعملي الكسترد الجاهز بوضع 2 كوب لبن و م سكر كبيرة و تذوبي الكسترد في ربع كوب ماء او لبن و اول ما اللبن يغلى هتحطي الكسترد مع التقليب حتى يتماسك و يثقل قوامه و اول ما يبرد حطيه فى التلاجة و اعملى الكريم شانتيه زى ما متعودة و حطيهم على بعض و سيبيهم فى التلاجة عند الاستخدام

ليست هناك تعليقات:

إرسال تعليق