برجر بالبقسماط

 المقادير:

نص كيلو لحمة مفرومة و قطعة لية صغيرة قيمة ملعقة
بصلة صغيرة الى متوسطة مفروم ناعمة جدا جدا جداااااا
نص م ص ملح و ربع م ص فلفل نص م بهار لحمة
اختيارى ..روزمارى جوز الطيب جنزبيل 
4 ل 5 م بقسماط

الطريقة:

 هتخلطى كل المقادير السابقة جيدا .

ملحوظة :
الاحسن خلط البصل مع البهار جيدا ثم اضافة اللحمة ثم البقسماط

هتفردى عجينة اللحمة فى صانية او طبق مرشوش بالبقسماط 

و تقطعيها بقطاعة دائرية كبيرة او ب كوب (مج)

طبعا لو عندك قطاعة البرجر يبقى هتستخدميها بدل كدة...

ملحوظة:
البرجر عند وضعه على النار بيكش سمكة و بيعلى حجمة ..ف خدى بالك تقطعييه بسمك رفييع و قطر كبير
 هتشويه على شواية كهربا او شواية عادية او فى طاسة ..
على كل جهة 7 دقايق تقريبا

بس و تستمتعى باحلى ساندوتش ...انا بحب احمر العيش فى نقطة زبدة بيدى طعم يجنن

و بالف هنا