خبز التورتيلا

المقادير:

2 كوب دقيق

م ص ملح

4 م زبدة  مش مليانة (ممكن زيت ربع كوب او سمن)

2/3 كوب ماء دافى

الطرييقة:

هتحطى الدقيق مع الملح

و هتذوبى الزبدة و تحطى عليها الماية و تحطيها على الدقيق

بايديك هتعجنى المقادير كويس لغاية ما يتجانسوا و دة هياخد 10 دقائق

العجينة لازم تكون طرية و لو حسيتى انها ناشفة زودى شوية ماية

هتسبيها ترتاح ساعة

هتقسميها ل 8 كور

هتفرديها بس على قليل من الدقيق علشان مش عايزنها تنشف

هتسخنى طاسة على نار اعلى من المتوسط و تحطى الخبز لمدة 

30 ثانية

لو بعد 30 ثانية ملقتيش بدأ العيش يعمل زى فقعات يبقى عللى النار شوية 

و بعد كدة اقلبيهل لمدة 20 ثانية

و بعد كدة اقلبيها مرة اخرى 20 ثانية

و اول ما تطلع حطيها فى طبق و غطى عليها علشان يبقى طرى