بيتزا بالسدق و اخرى بالبسطرمة

المقادير:
3 كوب دقيق
م كبيرة لبن بدرة
رشة ملح
م كبيرة زعتر

ربع كوب زيت او اقل منه بشوية
كوب ماء دافى
م كبيرة خميرة فورية و م سكر (او قطعة خميرة بحجم عين الجمل و م سكر مدوبة فى م ماية دافية)

للصلصة:

2 م صلصة و رشة ملح و فلفل و زعتر و ربع كوب ماء و م  ك زيت زيتون

الحشو سدق او بسطرمة (السدق يقطع و هو متلج الى قطع و يسوى على النار حتى ينزل ماءه تماما و يستخدم دون ماءه و سمنته)

زيتون و طماطم و فلفل و جبنة موتزاريلا


الطريقة:

هتحطى الدقيق و اللبن البدرة  و السكر و الملح و الخميرة و الزعتر مع بعض و تضيفى الزيت و تقلبى ب خشب و بعد كدة ضيفى الماية مع التقليب و بعد كدة ابداى اعجنى بايديك كتيييييير و كويس اوى ربع ساعة اقل حاجة و طبعا
العجن الصح
انك تلفى العجبنة ربع دايرة و تفرديها و تلميها و تلفيها تانى ربع دايرة و تعجينيها و هكذا
دفى الفرن و حطى العجينة فى بولة غويطة مدهونة زيت و غطيها بطبق او فوطة او ورق شفاف او حتى لبسى البولة كيس :) كلله يمشى
و سيبيها ساعة ...
و لميها و اعجنيها دقايق و حطيها فى التلاجة ترتاح ( ممكن تسيبيها يوم او اتنين فى التلاجة بس فى كيس مدهون بزيت و مقفول عليها كويس علشان متنشفش)

افرديها الكمية دى تعمل 3 بيتزات كبااااارو بعد ما تفرديها حطى الصلصة و كمية من الموتزاريلا و فوقيها بسطرمة و زيتون و طماطم و فلفل اخضر و فوقيهم موتزاريلا تانى
و سيبيها تخمر تاانى ربع ساعة و دخليها فرن عالى الحرارة  حتى تسيح الموتزاريلا و قعرها يستوى و بالف هنا