كيك الفراولة

مقادير الكيك ( ممكن انتى تعملى اى سبونج كيك او حتى كيك عادية )...مش عايزنها عالية اوى

3 بيض

نص كوب سكر 

تلات اربع كوب دقيق ربع م ملح

عصير ليمونة و بشر الليمون 

3 م زبدة 

مقادير الكريمة: ( ممكن تستبدليها ب علبة ايس كريم فانيليا )

100 جرام او كوب جبنة كريمى

ظرف جيلاتين بودر 7 جرام (2 م  ) (ممكن نستبدله ب جيلى فراولة)

كوب كريمة خفق

م فانيليا

نص كوب سكر 

طريقة الكيك :هتضربى البيض كويس جدا و بعد كدة تضيفى السكر و تضربى حتى يتضاعف حجم الخليط و يصبح كالكريمة

ضيفى عصير الليمونة و بشر الليمونة 

ثم الدقيق بالتدريج بالتناوب مع الزبدة

بس كدة اخبزيها فى فرن عالى اول ربع ساعة و بعد كدة وطى النار  و سيبيها من تلت ل نص ساعة 

سيبيها تبرد و تقسيميها اتنين

هتدوبى الجيلاتين فى كريمة الخفق و تترك على جنب..

بالمضرب هتضربى الجبنة و السكر و الفانيليا جيدا ثم ضيفى الكريمة و اضربيهم ...خدى بالك مش كتير علشان الكريمة متتحولش لزبدة)

هنيجى بقى للفراولة هتقطعى الفراولة نصين (على قد ما تقدرى يبقى كلهم طول وحجم واحد) و بالباقى قطعييه قطع صغيرة

فى الصانية جطى نص الكيكة ثم الفراولة على الجوانب ثم الكريمة فى النص و لاتضغطى على الفلراولة اللى فى الجناب كويس علشان تثبت ثم النص التانى للكيك و تغطيها و تدخل التلاجة بالكتير 5 ل 6 ساعات