اللوبيا

اهم اللى يميز اللوبيا ..الثوم  و بهريز اللحمة (صوص اللحمة المشوحة)...

و كمان لازم تخدى بالك ان اللبويا بتستوى على مرحلتين 

اول مرحلة

انك تحطيها مع الماية تغلى غلوة  عشر دقايق و ترمى الماية (بتكون سودة)

و تضيفى ماية سخنة و تسيبيها تستوى ربع ساعة او تلت ساعة

المرحلة التانية تحضير الصلصة:

بتشوحى البصلة و اول ما تغير لونها بتضيفى التوم

ثم الصلصة و شوية ماية صغيرين ربع كوب و تسيبيها تتسبك و بعد كدة تزودى البهريز و باقى الماية و ملحك و فلفلك :)

بس يا سيتى و تضيفى اللوبيا بعد ما تكونى صفتيها تانى من الماية  و خمس ل عشر دقايق و تكون استوت و بالف هنا عليكم