ارز بالخلطة المكرمل

المقادير:

2 كوب ارز

2 م سكر

م سمن او زبدة مليانة

كمية من حوايج الفراخ(كبدة و قوانص و قلووب)  ....حسب الرغبة حتى لو كمية صغيرة

زبيب و لوز

م ملح و م قرفة ..ربع م جنزبيل ...لو عندك قرنفل طبعا 

الطريقة:

هتحطى السكر على النار حتى يصبح لونة دهبى غامق و ليس محرووق

هتضيفى السمنة و اول ما يسخنوا كويس ..تحطى الارز و تقلبيهم خمس دقايق

هتحطى الشربة (اللى عملتيها من الحوايج).... ,
تحطى بقى ملحك و جنزبيلك و قرفتك هههههه

طبعا الشربة مقدار 2 كوب و تحطيها بالحوايج و تكون مغلية ...بس هتسيبى كمية للتقديم -فوق الطبق

انا بحب اضيف زبيب مع الارز .... اختيارى لو تحبى :)

هتحمرى شوية زبيب مع اللوز فى شوية سمن صغيرين و اول ما يتحمروا صفيهم

هتسوى الارز كالمعتاد

و يقدم بالف هنا و شفا